Pagmumuni muni lang

Matatanggap mo lang
ang katumbas ng
binibigay mo...

ang buhay daw ay parang echo
you get what you give
ang ibig bang sabihin
nito ay dapat
sa lahat ng mga ginagawa
nasa isip na may gantimpala?

Pero bakit minsan
parang laruan ka lamang
susulat lang sa yo ang
mga mahal sa buhay
kung tulong ang kailangan.

Hindi ka lang nangarap
para sa yong sarile
mithi mo'y magandang daigdig
para sa kanila
kahit na malayo ka pa
pagmamahal mo'y tinutumbas
mo ng salapi
kalungkutan
sinasarile
nakukunsensiya ka
kung hindi magpadala
kahit na may galit
at sama ng loob
kasalanan mo ba
kung nagkakadahirap ang buhay nila?

Minsa naiisip mo
mahal ka ba talaga
o gawa lang
ng padalang kwarta?

Ikatlong Linggo ng Advent

Sa wakas, may araw
walang ulan
ang simoy ng hangin sa Alemanya
parang pasko ng tunay
wala nga lang parol
na nagkukutiptipan
na nagpapaalala sa aking
bayan sinilangan.

May date ako ngayong
Sabado
hapon
sana sa sinehan
pero ayaw ni Christie
gusto ay kapehan
biglang sumingit si Helen
imbitado si Martina
at sa isang five-star hotel
humantong ang aming
tipanan.

Ay sos sabi ko
gusto ko lang sana nakajeans
casual ako
maglalagaglag sa Christmas market
titikim ng mga matamisin
at medyo may pindutan (ng kamera)
at kaunting punch or tsaa may rhum
pero malamig talaga
kaya halos nakakumot na dumating
sa tipanan.

Ay ang mga matronang Aleman
marami ang naka fur coat
magkakape lang
js js talaga
(just to be seen)
nakatitig sa aming mga
matataray na mga morena
kasama ang isang puting Alemang bababe
si Martina na nga ang pangalan.

Nagsimula kami sa kapeng may gatas
nang maglaon
may order ng pampainit
B something
ang inorder ni Martina
may kasamang lighter
para sindihan ang maliliit
na baso
akala mo
pandanggo sa ilaw
dapat daw isang sipsip lang
ubos lahat
ang laman. Aha!


Hindi naglaon
ang pakiramdam ko ay may
mabigat na nakapatong
sa aking mga kilay
bagong disenyo ni Edwina
iginuhit ng tadhana
ang tawag
dapat lagi ako
ngayon may eyebrown pencil
na baon.

Pero masarap ang pakiramdam
hindi ka pa lasing
pero ang dila ko ay tila
dumudulas
sabi ni Helen
masarap daw pala akong
kasama kung ako ay medyo
nakainom
Hoy sabi ko, hindi mo ako
kilala
reyna ng tomaan to
kaya dapat malayo
ang mga alohol
at baka mamaya
sasayaw sa lamesa.

Sumunod ang mga order
ng mga matamisin
Baileys on the rocks
ay sos
lalo nang lumakas ang loob
paminsan minsan
masarap din
ang magusap kung
ang pakiramdam mo
ikaw ay lumulutang
kaya lang ang usok
sa kapaligiran
pakiramdam ko ako
ay mamumulaklak
parang puno ng manga
sa gitna ng kalamigan
sa Alemanya.

Eto na yun magandang
ending
nang dumating
ang babayarin
biglang
nahimasmasan
sinabi sa kaibigan
Hoy sa susunod
duon
na lang tayo sa
bahay magtomaan!

Hindi naman
nasayang ang ikatlong linggo ng Advent
sa simbahan
kami ay dumadaan
nagsimba
nagiisip
sana paglabas namin
may salabat
na mainit
at puto bumbong na tunay!

Reunification Day Daw sa Alemanya Oktubre 3

Walang pasok
Oktubre 3
Holiday
ng mga Aleman
Hindi lang sila
kundi yun mga taong dito nakatira
Ipinagdiriwang nila
ang pagkakaisa ng
kanilang bansang
East at West
Germany nuong tawagin
ngayon ay isang bansa
isang republikang federal
Pero ang buwan ng Oktobre
sa maraming dumadayo
sa bayan na ito
ay buwan ng Oktoberfest
nagsimula nuong
22 Septyembre
hanggang ika-7 ng Oktobre
sa Munich
sa pagsabi ng O'Zapft is!
o ibig sabihin
sa English
"the barrel has been tapped"
dalawang linggo
dadaloy ang beer
hindi libre
mind you
baka akala mo
pero di mo na kailangang
maligaw sa munich
kung ang hanap ay
beer at kasayahan
dahil sa globalization
piyestahan din
gumagala
umiikot
kaya dito sa aming
siyudad
sa may Neumarkt
umaapaw ang beer
ay Kolsch pala
ang tawag diyan
sa inuming nakakalasing
Oktoberfest sa Colonya
di maglalaon
may Christmas market na uli
panahon na naman ng
mga inuming pampainit
may kasamang mga matamisin
especialidad ng mga taga Silangan
para sa konsumo at pera ng
mas maunlad na mga taga Kanluran
Araw ng Pagkakaisa
sa inuman
sa lasingan
madali silang
magsasama
Ah sa ibang araw na lang
ang Solidarity Tax
pag-usapan.

Eto na Yun Tiramisu

Eto na yun tiramisu
tunay na tunay
hindi tira tira lang
dala dala ni Sol
kahit mainit ang araw.

Tiramisu Meeting

Kung hindi pa nagBiyernes
at umulan ng matindi
sa petsang 13
hindi ako magkukulong sa bahay
medyo may inis
kasi nga ang panahon
may tipong aaraw
mamaya uulan
hahangin
di malaman ko tuloy
ang gagawin
at ano ang susuutin
magsummer dress ba
o winter coat kaya
magpayong
o magsuot ng sun glasses
shades sa moderno salita
nuong nakalipas na dekada
smoked glasses kung tagurian
suot suot lalo na kung may
itinatagong sore eyes
na minsan sinulat ng aking
kaibigan sa kaniyang
excuse slip
siya daw ay may soar eyes
excuse me Sir
excuse me Mam!

Nakakatuwa kaming mga Pinay
na nakatira sa Europa
kaunting init ng araw
hanap ang mga shades
hindi makagalaw
kung walang proteksyon
ang mga matang
banyaga sa bansa ng
mga Aleman
at importante hindi lang
ang korte kundi yun
brand ng shades
keso hods yan
na imitation
basta parang tunay!

Hindi tungkol sa shades
ang gusto kong ipost
na patula
kundi sa aking pagtigil
sa aking pugad
ngayong Biyernes
petsa Trese
petsa ng mga diyosa
na kung sa anong dahilan
ay binigyan ng ibang
kahulugan
siguro tama nga
naging domestic goddess
ako ngayong araw na to
pero ni maghugas ng plato
malayo sa plano
katatapos ko lang husgahan
ang isang pirasong tiramisu
bigay ng isang kaibigan
ang akala sa aking imbitasyon
tinaguriang kong Tiramisu Meeting
ay gusto ko talagang makatikim
ng matamis na tsokolateng itim
Halong Italiano
o timpladong Italiana
kung babae ang may dala.

Tiramisu Meeting
dala dala ng bisita
mga tira-tirang pagkain
sa kani-kanilang bahay
aming kakainin
sa aming meeting
habang nag-uusap kami
paano nga bang matutuloy
ang kumperensiyang ng mga
kababaihan Pinay sa Alemanya
tungkol sa Gender, Migration
at Development
tawagin ba namin din 'tong
Tiramisu Conference
para sa naghihirap na bayan
mga Pinay at Pinoy
magsuot ng mga shades o
sun glasses
nang hindi tayo masilaw
sa pagtingin sa wari'y kaunlaran
yun naman pala'y puro kauntangan
walang katapusan.

Mga natitirang ideya
para sa pagpapabago
para sa magandang kinabukasan
kahit kaanong kaliit
na binabalak
para sa bayang liyag
sumama sa aming
Tiramisu Meeting
at patamisin
ang mga pangarap namin.

(Para kay Anna na sumusulat sa akin
pasensiya na kung hindi ako nakakapag-update
naging BC talaga
si Bituing Marikit
pero kung ako uli ay kikilitiin
ng hobby kong posting
matatangap at matatangap mo din
ang aking mga roughdrafts
at sulatin!)

Bituing Marikit

Banal na Santacruzan sa Buwan ng Mayo

Mayo nga pala
kaya sunud-sunod ang mga lakaran
may imbitasyon sa ihawan
birthday celebration ng
mabait na kapitbahay
kaarawan ng anak
bisita'y mga ninong at ninang
anong ibibigay sa mayaman
na bayaw na ipinanganak din
sa buwan ng Mayo
buwan ng mga bulaklak
kung ang April ay maulan
bigyan kaya ng donation slip
para siya ang magbigay
ng tulong sa aming proyekto
empowerment at iba pang mga plano
ng mga kababaihan
dahil sa aming nalalapit
na meeting at training
pamasahe man lang wala pa rin
paano na lang ang aming
mga pangarap na maging
matatag sa sariling sikap
malayang pag-iisip
walang magdidikta
kung magkano ang aming dapat
gastusin sa bahay
sa anak, sa sarili namin
walang magsasabi kung
ano ang aming dapat gawin
gawang ang kita at hirap
ay galing sa sarileng sikap
at hindi lang abót ng asawang
sa tingin niya hari siyang
nagbibigay ng utos
kung kailan ngingiti at
luluha ang maybahay niyang
nakita sa catalogue
nakita ba ng lalake ang
kaniyang kaluluwa
kung numero lang ang nakilala
nabayaran ng salapi
ang pag-ibig na simula ay salat
yumabong kaya ang pagmamahalan
sa pangakong may magandang hinaharap
hindi lang ang batang kabiyak kundi
ang pamilyang naiwan sa
bayang naghihirap
paano ang tunay na pag-ibig
paano ang tunay na pananabik
malulunasan ba ng mapalasyong
bahay at regalong bigay
marahil
siguro nga
may katumbas talaga
kahit anong bagay?
eto ba sa buwan ng Mayo
ang marami sa
ating mga kababaihan
eto ba ang
dinadalang pansarileng
banal na santacruzan?

Ay modernang Reyna Elena
hanapin mo ang cruz
kung may kapalit na ligaya
pero ang bigat ay
huwag sarilinin
Kung may katumbas
ang pait
ang tamis
ay dapat mas
mahigit.

Wolfowitz o Wollfowitz

Nakakatuwang nakakainis
ang buhay mag-asawa
sa kaunting bagay
nagbabangayan ba
hindi naman mabigat
ang pinagtalunan
namin ngayong Linggo
ng gabi
sa tutuo Lunes na nga
ng madaling araw
sa bansa kong pinanggalingan
nang tanungin si
kabiyak ng puso
kung si Ginong World Bank
ay Wollfowitz
o Wolfowitz
sagot niyang mabilis
isang L lamang
sabi ko hindi
tignan mo sa lahat
ng mga entries sa google
lahat ay Wollfowitz
Hindi, hindi, hindi
matunog niyang kontra
at nagpustahan pa kami
isang libo sa akinng pusta
dalawang libo ibibigay niya
kung doubleng L
ang apelyido ni Ginoong World
Bank na ayon kay George Bush
ay hinahangaan niyang tapat
dahil may puso
sa mga mahihirap!

Bukas na bukas din
bibile ako ng Herald Tribune
New York Times etc, etc
nang makita mong isang L na letra
sabi ng kabiyak ng puso
ngayong mukhang inis na inis na
gawang nagmamatigas pa ako
at nangatwirang sa Aleman
baka isang letra
pero sa ibang wika, iba
etcetera, etcetera.

Hay Paul Wolfowitz o Paul Wollfowitz
bakit pati ang buhay ko
dating nanahimik
dahil sa pangalan mo
kung isa o dalawang letra
parang Iraq ngayon
na binobomba
bukas ng umaga
sino kaya
ang huhusgas
sa pustahan naming mag-asawa?

Pahabol:
Habang ako ay nagpopost
ng tula itong may pangalan George Bush
World Bank at Wolfowitz o Wollfowitz
Biglang nawala ang koneksyon
sa aking WILAN
parang sinumpong
Ayan, sabi ko
sabi sa yo
may nagbabantay
sa aking mga posting
nakaabang sa aking mga
sulatin
interesado kaya ang BND o CIA
sa mga tula
ni bituing marikit
kasi nalalapit
na ang konperensiya
ng G8 o G it?

Ang Aking Kapitbahay at Ating Eleksyon

Lunes ng hapon
dala ko pa ang nabileng grocery
habang naghihintay ng senyas na berde
sa may crossing
naisip ko bigla ang aking kapitbahay
halos mahigit ng isang buwan
hindi kami nagkakabalitaan
ano kaya ang aking sasabihin
kung bigla niya akong babatiin
bakit hindi man lang ako makalipat
sa kanila
para miski humiram ng itlog
arina kaya o asin.

Iniisip ko pa si Frau Scholze
habang tumatawid ako ng kalsada
papunta sa aming tirahan
nang bigla ko siya matanawan
nakasakay sa kotse niya
sa akin kumakaway.
Mental telepathy to
natawa ako
o matagal na niya akong
pinagmamasdan
habang siya din ay naghihintay
ng senyas ng trapiko
yun human Wilan namin
umaandar.

Nag-abot kami sa harapan ng bahay
nagkamustahan
dala dala niya isang portabol
na sewing machine o makina
ako naman toilet paper at delata
dalawang maybahay
Isang Pinay, isang Aleman
unang araw ng linggo
nagkwentuhan
sa may hagdanan.

Aba siyanga pala sabi niya
nandiyan na yung order kong mga wine
dalawang bote sa yo nakalaan
kukuhanin ko sa cellar
mamaya
pagpasok natin sa bahay.

Sa madali't sabi nabigay sa
akin ang dalawang bote
huwag na lang daw
akong mag-alala
ang alak naman ay libre
sa susunod na lang
ang bayad
sa susunod na delivery.

Ay sa tutuo lang
mabait na kapitbahay sila
mahirap makita
sa buhay siyudad
sa Alemanya.

At bago ako nakapasok
sa aming sarileng bahay
dumating si Ginoong Scholze
kami din'y nagbatiian
nagkamayan
ang tanong sa akin
tutuo ba sa inyong bayan
kada ikatlong botante
ang boto ay mabibile
tutuo ba
o exaherasyon lang ng medya?

Ay sabi ko lang,
Ay hindi naman
depende siyempre kung saan
may mga lugal na
ang ibig sabihin ng boto
nila ay kwarta at pagkain
mukhang naman naniwala si
Ginong kapitbahay
bago kami naghiwalay.

Nang salubungin ako
ng asawang giliw
naikwento ko ang aming
enkwentro
ng aming mabait na kapitbahay
yun babae may alak sa atin
yun lalake may tanong sa
elektioneering
kung tutuo daw na
bawat ikatlong botante
ang boto ay mabibile
Sagot ni giliw
Oy hindi,
sabihin mo
mali
kasi kada ikadalawa
nagbebenta.

Domestic Queen or Araw ng Kananayan

 

Araw ng mga ina
sa ikalawang Linggo ng Mayo
naalala ko pa
gumagawa kami ng cards
sa eskwela
ibibigay sa inang mahal
sa araw ng mga nanay.

Ano kayang ginagawa
ng aking mga kaibigan
Sa araw na ito
na dapat wala silang
pagkakaabalahan
ang mga bata
ang maghahanda ng kanilang
almusal
may cake pang ginawa
ang mga mahal na anak
pakiwari ng ina siya
ang reynang ganap
sa maliliit na regalo
bulaklak, drawing kaya o perlas?

Sabi ng kabiyak ng puso
ngayon araw na ito
di kailangan niyang magluto
para sa pamilya
sa labas ang kain nila
pero si ina
di mapalagay
ilang araw pa lamang
handa na ang
cake, ginawa niya
o pinaorder sa kaibigan
o binile ng Sabado ng hapon
putaheng espesyal
buwan ng mayo
tiyak na asparagus
at patatas
sa butter kasama ng hamon
hindi baleng
tumaas ang alta presyon
minsan lang naman sa
isang taon
ang katwiran ng ina
pero sa tutuo lang
lingo lingo
karne na may salsa
ang pagkain ng pamilya
saan ba napunta
ito aking estoria
sa Araw ng mga Nanay


Araw ng mga Ina
araw nga ba ng pahinga?

Happy Birthday Mga Kaibigan

8 ng Mayo
Dalawa sa mga malapit na kaibigan
siguradong may handaan
Birthday nila ngayon
isa nasa Holland
ang isa naman ay nasa Amerika
di sila magkakilala
pero di bale
pareho naman
sila ng araw ng kapanganakan
Isa ay Ilonga
maliit at maganda
yun isa naman ay Tagala
payat mukhang Espanola
American citizen si Edith
Dutch naman si Hermie
Isang amerikana
at isang Dutch na Pinay
matagal na nilisan ang bayan
si Hermie mas malimit kong makita
lagi akong may libreng meryenda
sa Hog Katherijn o sa bahay
nila sa Utrecht
Peace Zone kong tawagin
gawing laging may pagkain
may take home pa
ang mga bisita!
Si Edith naman
ay sos, ang layo ng lugar
kapiling ang mga bear sa Alaska
pero balita ko malimit siya
sa Florida
aha, senior citizen ka na ba
gusto ko siyang tanungin
sa susunod na emailan namin.

Unang Ulan sa Buwan ng Mayo

Sa wakas sa ika-pito ng buwan ng Mayo
ngayong araw ng Lunes
bagong linggo
dumating ang ulan
17 degrees
ang temperatura
sabi sa radyo
walang patid
ang patak
ang mga halaman ko'y
mandin humahalakhak
umuugoy sa hangin
nililinis ang mga
alikabok
sa kanilang dahon
halos natuyo
sa init ng nakaraang Abril
walang patid
ang patak
naalala ko bigla
ang bayaw kong
may birthday kahapon
ang sabi sana naman'y
huwag umulan sa linggong ito
mayroon silang
tennis competition.

Naghihintay ng Ulan

Sabi ng weather bureau sa Alemanya
ngayong gabing Linggo ay uulan
at sa hapon pa lang walang araw
maghapon naghintay
ni isang patak walang
humalik sa aking mga halaman
hayun sila lahat nakayuko
habang ang maybahay
abala sa pagkagawa ng
bagong design
sa kaniyang blog
o mga blogs
ano ba
tong katuturan
ni walang panahon mag-ayos
ng nakatambak na mga damit
ilang araw na ang nakaraan
tumataas na sa ibabaw ng mga
silya at upuan
habang ang mga alikabok
ay nagaanyaya na silang
sulatan
sa kapal
puede ang isang liham
Tanong ng kabiyak ng puso
kailan ka kaya
gaganahan
mag-ayos ng iyong bahay
ang sagot ko
tanunging ang Google
ang Blogger
ang mga chatmates
ang Skype
ang E-bay
kailan sila
magsasawa sa panunukso
sa akin
isang dakilang
moderna
maybahay.

Salamat mga Kaibigan

Saka ko pala nasabi sa isang kaibigan
nang tanungin niya ako
kumusta ka na
sabi ko masamang balita mula
sa bahay.
Lakasan mo iyong loob
at isasama ko siya sa aking dasal.

Sana malapit ka lang
gusto kong hawakan ang iyong mga kamay
sulat ng isa pang kaibigan.

Nalulungkot kami sa pangyayari
Sa ganitong situasyon
ang pakiramdam ng isa
ay kawalan ng lakas
hindi mo alam kung anong dapat gawin
Courage my dear friend
I can only offer you my prayers
pahatid ng ilang pang
mga kaibigan
ang layo namin sa isa't isa
ay ibang wika,
dagat at kabundukan.

Di ko man nais
sa inyo ipahatid
ang aking kalungkutan
sa pagtingin ko ito ay
personal at akin
at mayroon din kayong mga
dinadalang alalahanin
sa ating buhay migrasyon
paano tayo mabubuhay
paano ang ating mga
pangarap
sa ating mga kamag-anak at kadugo
dito
at
duon.


Maraming Salamat
hindi ko man maisulat
ang inyong mga pangalan
batid ninyo
bahagi kayo
sa isip
sa puso ko
sa kalungkutan
at kaligayahan.

Sa Piyesta ng Pagkabuhay

Sa piyesta ng Pagkabuhay
dumating ang tawag sa telepono
ang boses ng hipag ko ang
aking nadidinig
ang akala ko gusto lang akong batiin
sa piyesta ng Pagkabuhay ng
Panginoong si Kristo.

Happy Easter bati ko
ni hindi na niya nasagot
ang sabing bigla
si Vic
naaksidente sa motorsiklo
nangangailangan ng biglang operasyon
pero walang tumanggap na ospital
hindi ko alam
kung pera ang dahilan
o walang titingin na doktor.

Dios ko
naisip kong bigla
ano ba itong balita
nasaan ang kapatid ko
baka duguan
walang malay
walang gamot
walang doktor
walang kumakalinga.

Sa buong magdamag
halong galit at alaala
sa kalagayan niya
bakit kailangang
mangyari
bakit kailangang
sisihin ko pa siya?

Maghapon
Hanggang sa gabi
ang luha ko
Sa Piyesta ng Pagkabuhay
dumadaloy.

Sa Kahahanap ng mga illustration...

Hindi 'to biro
Maghapon akong nakayuko
kahapon hanggang hatinggabi
sa kahahanap ng
mga illustration para kay Bituing Marikit
nageestrella na ang aking paningin
ngunit dalangin wala pa rin
I mean
sagot sa dalangin
naroon litratuhan ang mga
bulaklak na hugis bituin
tinignan ang mga Christmas cards
sa kanikanilang inaalikabok na boxs
biglang ipinaalala sa akin
ako pala ay isang star din
sa hindi paglilinis
at kalat sa bahay
wala siguro kaparis
pero sa lahat ng bagay mataray
saan napunta
ang aking pagsasalaysay
gusto ko lahat sabihin
naghahanap ako ng illustrasyon
nakita tong parol
ng isang alejandro
isang Pinoy
magaling sa design
kaya kahit walang permission
ginamit sa aking
mga ilusyon
na ako ay isang
bituin marikit
kaya lang sa drawing
hindi nagniningning.

Source: www.raadesign.com

Maraming Salamat Alejandro!

Isang Araw, Isang Sabado

Isang Araw, Isang Sabado

Wala lang magawa
ang kapiling na laptop
ang aking pinipindot
gawaing bahay
hindi ko yata mataypan
nakatingin sa balkonahe
pinagmamasdan mabuti
ang naglalabasang tulips
pula, orange at ube
may isang bubuyog
kahapon palipad lipad
at dumapo sa mga bulaklak
sinimsim ang kaniyang tamis
bubuyog sa buwan ng Marso
talagang umiinit ng husto
ang mundo
sabi ng kabiyak ng puso
habang hanap ko ang digital
kamera upang kuhanan
ang bubuyog na bumibisita
at humaharana sa mga
naggagandahan tulips
ligayang tingnan tuwing
umaga.

Simula ng Fasting

Bakit mahal na araw na ba at nagfafasting ka?
Tanong ng isang kablogmate ng malaman
niyang ako ay walang kinakain
at puro tsaa, tubig at katas ng gulay at prutas
sa mesa ko nakahain.

Anti-syklus ako, alam mo
at sa Febrero na palaging nakaprograma
hindi komo simula nang kwaresma
ang taonang kong pagfafasting sa
salitang Pilipino di ko maisalin.

Sa umaga ay isa o dalawang tase ng tsaa
at pilitin ubusin dalawang litro daw ng tubig
sa buong maghapon o bagong mahimbing
sa tanghalian ay sopas walang laman
at sa gabi naman'y katas ng prutas
paminsanminsan dampian ng limon ang bibig
o kaya ipiga sa basong tubig na iinumin.

Mabilis bumaba ang timbang
pagkatapos lang ng isang araw ay isang kilo ang nabawas
sa tuwa ko ay nabigkas
kung limang araw ba akong hindi kakain
ay limang kilo taba ay wala din?

Hindi gawagawang biro
magsimula ng Heilfasting
dapat pag-aralang mabuti ang suhestiyon
at sundin maigi ang mga sinasabi
ng mga experto ng librong binile.

At kung hindi, baka sakit ng tiyan
ang iyong mapala
at hindi talaga mababawasan ang
prustrasyon na ang taba ng katawan
at bigat ng timbang
ay ganon na lang ang pagtutol.

Sabi ng aking kaibigan,
ito daw ay kahibangan
gawang ang yoyo effect ay talagang
matindi sa mga taong gustong mabilis
magdiyeta, makailan araw ang dadaan
ang laki uli ng balakang!

Tama ka dyan mahal na kaibigan
pero mas magandang may balakin akong
gumanda ang figure ko
gumaan ang timbang
kesa parang balyenang nakawala sa daan.

Gusto mo pustahan tayo
pagkatapos ng Heilfasten at diyetang ´to
ikaw sa akin ay magtatanong
paano nga ba ang Heilfasting.

Para sa Aking Mahal na Kaibigang C.

Natangap ko sa isang instant message
ikaw daw ay may taning
dalawang buwan na lamang
ang itatagal sa mundo
ito na tinuring
mong misyon
ng iyong paniniwala.

Bakit ikaw na nagtiis
para lang lumigaya ang
mga anak na liyag
pinag-aral, kinaruga
at ang ganti sa yo ay luha.

Bakit ka ngayon aalis
Alam mo ba saan ka patungo
Bakit mo tatangapin ang
buhay na pagmamatir
sa paniniwalang may kapalit
na langit
sa lahat ng iyong pangungulila
at pagdurusa
naging tunay ka bang maligaya
sa pagbibigay ng iyong pagibig
bilang ina
at dakilang asawa?

Hindi ko yata maiisip
na ikaw ay tuluyang aalis
marami ka pang dapat
marating
maranasan
at hindi lang
ang iyong mga habilin
sana naman ang paniniwala mo
sa mga milagro
sa yo ay magkatutuo
lumakas ka muli
at mabuhay ng tutuo
ng maligaya
dito sa mundo.

Pagmumumuni

Nakahanda na lahat ang aking mga libro
papeles at mga cuttings at iba pang visual aids
may nakahandang trabaho
isang buwan ang notice
naligayahan naman ako
kasi mahirap ang trabaho ng isang freelancing
may tawag ngayon
bukas cancellation
gulo ang schedule
habulin ang mga ibang invitation
tawagin ang mga naunang reservation
at kung wala nang magagawa pa
magtigil sa bahay
mangarap ng gising
pero kailangang magsaing!

bituing marikit