Isang Silid na Puno ng Liwanag ng Bagong Buwan

Alas singko medya pa lang ng hapon
Nang pumasok ako sa aming silid tulogan
Pinaliwanag ng bagong buwan
Ang puting kobre kama na bumubusilak
Sa gitna ng kadiliman. Kay ganda ng gabing ito
Ng Disyembre, may awit pati kama.

Ano't naisip ko kung ikaw ay nandito lamang
Magkayakap tayo sa ibabaw ng luntiang kama
Hindi baleng walang kurtina
Di naman tayo matatanaw
Ng mga kapitbahay na hindi ko pa nakikilala ni nakikita.

Matagal akong napatingin sa kamang busilak sa kaputian
Nakadama ng kung anong pangungulila at
Ang napag-ukulan ng pagmamahal ay ang kabayo ng plantsa
Dahil malayo ka
Kaya't ibinuwelta na lang ang nag-aalab na damdamin sa
Mga plantsahin
At kalimutan ang nagdadaang paggiliw.

(Isang hapon ng Disyembre, 2003)

Bituing Marikit

Learn English and be Miss Universe?

May mga emails na lumilibot
panoorin daw sa Youtube
Eto be daw ang ating ilalaban
sa pagligsahan ng kagandahan.

Sa madali't sabi nakita
sa Youtube ang magagandang dalaga
may nainterview na, paborito daw si Mother Teresa
ay Susmarya, iha nasaan ang iyong saya
at ang iyong English ay pakanta-kanta
kakaiba, sinaulo mo ba?

Ang sumunod na kandidata
kapirangot din ang saplot niya
para silang lahat na manikang binihisan
iisa ang mga ngiti at tawa
pati na ang indak at kumpas ng mga kamay
aral na aral
mga buhay na estatwa, makikinis, magaganda.

Kung inyong napanood etong circus
alam na ninyo ang dahilan bakit may
tawanang mula sa mga nananood
at yun ibang mga judges ay hindi
malaman ang gagawin kung iiling o tatawa
bakit nga ba?

Sino ang lumalabas na katawatawa
Tayo din mga Pinay at Pinoy
na walang pagpapahalaga
sa ganda ng sariling wika
bakit kailangan pang mangaya ng iba?

Beauty and Brain na ba
kung walang mali sa pagsa salitang English
at puedeng patawarin ng English teacher
gawang bata pa siya at hindi sigurado
sa gamit ng they are or there are o
di ba talagang katawa-tawa
ang ginagawa sa ating mga dalaga?

Ewan ko ba pero ako galit din
kung ang mga pamangkin ko ay
sa akin susulat
Tita, I did not got
Aray! Ang sakit sa tenga
Pero sa tutuo lang
Bakit nga ba ang husgahan natin
sa tao eh kung magaling sa English
mambola.

Talk English and talk to the world
pero kung ang pagkatao mo ay
batay lang sa galing ng yong dila
mangaya ng banyangang salita
ano ang tunay mong pag-iisip
damdamin mo ba din'y hiram
sa mga banyangang sa yaman natin'y
nakikinabang kasama ng mga katutubo
tulad ng langgaw na nakatungtong sa kalabaw
nagsasalita sa English
ang mundo daw ang kaulayaw.

At mga dadating pang mga dalagita
nangangarap na maging reyna ng kagandahan
kahit typed si Mother Teresa
Beauty and Brain
Ano kayang magandang slogan
para sa mga contestants
Binibining Pilipinas
Learn English
and be Miss Universe.

Bagong Buwan, Bagong Dalangin

Bagong Buwan, Buwan ng Marso
Buwan ng mga Kababaihan
sa Marso Otso
at sa ikapito naman
araw ng pandaigdig ng pananalangin
ng mga kababaihan
ano ang ating hihingi
ano ang ating mga dalangin
mula sa pangaraw-araw na kakailanganin
kalusugan, kaligayahan, kasaganaan
hanggang sa pandaigdig na kapayapaan
Harinawa
Tayo ay hindi lang nananalangin
Bibliya lang ang babasahin
o meditation maghapon at magdamag
ng mantang
kapayapaan
kalusugan
kaligayahan
kasaganaan
Tanungin natin ang ating sarili
ano na nga ba ang ating nagawa
mula nuong huling panalangin
sumakit lang ba ang ating mga tuhod
sa kaluluhod
tumaba lang ba sa kakakain sa libreng meryenda
pagkatapos ng mga prayer meeting o misa
gumaan ang pakiramdam
sa mahabang meditation
O mga kababaihan
Alamin natin
Ang kahulugan ng tunay na panalangin
Ay nakikita sa tunay na gawain.

Matamis na Buhay o Sweet Discovery

Sinimulan nitong Linggo ang Exhibitiong pang-international
Nalibang ako sa pagbabasa ng mga impormasyon at balita
Tanging pinagkakaabalahan nitong mga huling araw at gabi
Bibili ba ako ng ticket para duon'y mamasyal at makakuha
Hahanap ng mga bagay bagay na matatamis, baka may libre
Reretratohan ko ang mga ito at sa aking blog balak ipost
Posturang-posturan ako, nakagayak na
Nang makita ang impormasyon para sa mga Fachleute lang pala.

Fachleute ang ibig sabihin mga experts ng mga matamisin
Sino ba ako, di ba expert din sa lahat ng mga ngatngatin
Tingnan lang nila ang aking galing walang sinusukuan
Kung anong matatamis na bagay lalo na at bigay
Gayuma ang pangalan para sa akin ng tsokolate
Teka muna may paraan ba para makalusot akong bilang Fachleute
Teleponohan ko kaya ang mga Pinoy at Pinay na may Otap factory?

Pero bakit walang representasyon ang bayang kong ginigiliw
Liwanag ng aking buhay ay tanging matamisin
Sino sino kaya ang galing sa aking bansa
Sasama dito sa Exhibition at Fair ISM kung tawagin, pang-international
Almusal hanggang hapunan tungkol sa biscuits at chocolates ang usapan
Panong selling technique at bagong matamis na imbensyon ang aakit
Kikita ng pansin ng mga tao at media at higit sa lahat ng kwarta.

Tja, naisip ko lang kung sa gayak lang nakasama
Matamising binabalak bago maunsiyami at umasim
Simula ngayon hahalughugin ang cupboard ng mga natitirang balutin
Tingnan at tiyak na may tiratira pang pasalubong polboron, chocnuts, pili
Lihiyang suman, espasol, tikoy, guinatang ube sa freezer pala nakatabi
Bibile ba ako ng ticket bilang Fachleute para sa ISM Fair ng mga tsokolate
Teka muna ang yaman ko pala sa matamisin
luma ang Fair Trade sa akin.

Manigong Bagong Taon 2008

Enero, January
2008
Walo
Ocho
Otto
Acht
Eight
Dalawang libo at walo
isang manigong bagong taon
manigong
ano daw yun?
kaya pinalitan ng salita
mas maganda kaya
maligaya
masaya
masagana
makahulugan
makatarunungan
makadiyos
makatao
makakalikasan

makakautang na naman
kaya ang aking Inang Bayan
makakabayad kaya sa
dating kauntangan
anong isasangla
para gumanda ang
tingin sa atin
ng EU, US, Japan
China
at kung sino sinong
investors at
creditors
pati na ang mga
lintang negosyante
at mga walang budhi
turistang mga lalake
hinahalay ang marami sa ating
kabataan at musmos
na batang langsangan
kapalit ang kanilang
mga dinidiyos na kasalapian

makadiyos
makatao
makatarunungan
makahulugan
masagana
maligaya
Magandang Taon
Panibagong Buhay
Panibagong Pangarap
Pag-asa

Harinawa
Sana, Sana, Sana

Pagmumuni muni lang

Matatanggap mo lang
ang katumbas ng
binibigay mo...

ang buhay daw ay parang echo
you get what you give
ang ibig bang sabihin
nito ay dapat
sa lahat ng mga ginagawa
nasa isip na may gantimpala?

Pero bakit minsan
parang laruan ka lamang
susulat lang sa yo ang
mga mahal sa buhay
kung tulong ang kailangan.

Hindi ka lang nangarap
para sa yong sarile
mithi mo'y magandang daigdig
para sa kanila
kahit na malayo ka pa
pagmamahal mo'y tinutumbas
mo ng salapi
kalungkutan
sinasarile
nakukunsensiya ka
kung hindi magpadala
kahit na may galit
at sama ng loob
kasalanan mo ba
kung nagkakadahirap ang buhay nila?

Minsa naiisip mo
mahal ka ba talaga
o gawa lang
ng padalang kwarta?

Ikatlong Linggo ng Advent

Sa wakas, may araw
walang ulan
ang simoy ng hangin sa Alemanya
parang pasko ng tunay
wala nga lang parol
na nagkukutiptipan
na nagpapaalala sa aking
bayan sinilangan.

May date ako ngayong
Sabado
hapon
sana sa sinehan
pero ayaw ni Christie
gusto ay kapehan
biglang sumingit si Helen
imbitado si Martina
at sa isang five-star hotel
humantong ang aming
tipanan.

Ay sos sabi ko
gusto ko lang sana nakajeans
casual ako
maglalagaglag sa Christmas market
titikim ng mga matamisin
at medyo may pindutan (ng kamera)
at kaunting punch or tsaa may rhum
pero malamig talaga
kaya halos nakakumot na dumating
sa tipanan.

Ay ang mga matronang Aleman
marami ang naka fur coat
magkakape lang
js js talaga
(just to be seen)
nakatitig sa aming mga
matataray na mga morena
kasama ang isang puting Alemang bababe
si Martina na nga ang pangalan.

Nagsimula kami sa kapeng may gatas
nang maglaon
may order ng pampainit
B something
ang inorder ni Martina
may kasamang lighter
para sindihan ang maliliit
na baso
akala mo
pandanggo sa ilaw
dapat daw isang sipsip lang
ubos lahat
ang laman. Aha!


Hindi naglaon
ang pakiramdam ko ay may
mabigat na nakapatong
sa aking mga kilay
bagong disenyo ni Edwina
iginuhit ng tadhana
ang tawag
dapat lagi ako
ngayon may eyebrown pencil
na baon.

Pero masarap ang pakiramdam
hindi ka pa lasing
pero ang dila ko ay tila
dumudulas
sabi ni Helen
masarap daw pala akong
kasama kung ako ay medyo
nakainom
Hoy sabi ko, hindi mo ako
kilala
reyna ng tomaan to
kaya dapat malayo
ang mga alohol
at baka mamaya
sasayaw sa lamesa.

Sumunod ang mga order
ng mga matamisin
Baileys on the rocks
ay sos
lalo nang lumakas ang loob
paminsan minsan
masarap din
ang magusap kung
ang pakiramdam mo
ikaw ay lumulutang
kaya lang ang usok
sa kapaligiran
pakiramdam ko ako
ay mamumulaklak
parang puno ng manga
sa gitna ng kalamigan
sa Alemanya.

Eto na yun magandang
ending
nang dumating
ang babayarin
biglang
nahimasmasan
sinabi sa kaibigan
Hoy sa susunod
duon
na lang tayo sa
bahay magtomaan!

Hindi naman
nasayang ang ikatlong linggo ng Advent
sa simbahan
kami ay dumadaan
nagsimba
nagiisip
sana paglabas namin
may salabat
na mainit
at puto bumbong na tunay!